Хэн нэгний тухай

Тайзан дээр гарсан дуучин дуулах биш уйлсан тухай
Танхим дүүрэн үзэгчид нь
Тайвшруулах нь битгий хэл дагаж уйлсан тухай
Танхим дүүрэн уйлаан нь найрал дуу шиг байсан тухай
Хэн нэгний тайлан тоглолт үзсэн тухай
Хэзээ ч ийм тоглолт үзээгүй тухай
Хэд хэдэн дуу дуулсан тухай
Хэсэгхэн зуур уйлалдсан тухай
Өөрийгөө өрөвдүүлэх гэж өмөлзсөн тухай
Өнчин гэж өөрийгөө зарласан тухай
Өрөөлд өрөвдөлтэй харагдахыг хүссэн тухай
Өрөвчхөн сэтгэлтнүүдийг өмөлзүүлсэн тухай
Миний тухай хэн нэгэн ярьсан тухай
Мэдээж би худлаа гэж үгүйсгэсэн тухай
Мэлмэрүүлсэн гэж хэн нэгэн залсан тухай
Мэдэмхий нэг нь миний тухай мэдэмхийрсэн тухай

Н.Тайванжаргал