Хэрвээ би тэнгэр байсан бол

Хэрвээ би тэнгэр байсан бол

Зуны дунд сарын бороотой тэнгэр байсан байх
Зурамны нүхрүү ус цутгасан бороотой тэнгэр байсан байх
Зуу хоног бороо орсон бүрхэг тэнгэр байсан байх
Зулзаган модны цангаа тайлсан бороотой тэнгэр байсан байх

Хэрвээ би тэнгэр байсан бол
Олон жилийн ган тайлсан бороотой тэнгэр байсан байх
Одтой шөнийн тэнгэр олон үзэгдээгүй бүрхэг тэнгэр байсан байх
Орчлонгийн мэлмийд инээсэн нартай тэнгэр байсан байх
Орой дээрээ цастай ууланд ойрхон очсон цэлмэг тэнгэр байсан байх

Хэрвээ би тэнгэр байсан бол
Саяхан ноосолсон хонины цочроо гаргасан бороотой тэнгэр байсан байх
Сартай шөнө олон үзэгдээгүй бүрхэг тэнгэр байсан байх
Салхинд туугддаггүй хүнд хар үүлтэй бороотой тэнгэр байсан байх
Сартуул сайхан нутгийнхаа хуртай тэнгэр байсан байх
Н.Тайванжаргал