Ижий минь өөхөн дэнгээ барьж гэрэл гаргадаг шидтэн юм билээ
Тэвдэж яваа хэн нэгэн таарвал
Ижий минь сэтгэл гаргаад тусалдаг өглөгч юм билээ
Үүлэн чөлөөнөөс нар мэлтийвэл
Ижий минь хүйтэн хярам сүүдэр дагуулж тавьдаг ачтан юм билээ
Үглээ шаазгай уяан дээр шагширвал
Ижий минь өөх өгч хооллодог өглөгч юм билээ
Түйрэн харанхуйд түгдчивэл
Ижий минь бүдчээ харанхуйг гэрэлтүүлдэг
шидтэн юм билээ
Төрсөн бие минь өвдвөл
Ижий минь бүрэлбаа бурханы мутраас илүү эдгээгч юм билээ
Оддыг үүлээрээ хучсан тэнгэр бүүдийвэл
Ижий минь өрхөө бүтээдэг зөнтэй юм билээ
Орсон гарсан хүмүүс ангаж цангавал
Ижий минь дайлж цайлаад завгүй суудаг өглөгч юм билээ
Хөмөгт сарны гэрэл тодорвол
Гэрээ тойрч мааниа уншдаг шидтэй юм билээ
Хүний хүүхдүүд орж гарвал
Аааруул ээзгийнээсээ атга атгаар нь өгдөг өглөгч юм билээ
Н.Тайванжаргал
No comments:
Post a Comment