Хатирч яваа морины нуруун дээр

Хараа алдам уудам талыг суран бугуйл шиг эвхэн
Бараа нь хол газрыг зорихдоо
Хатирч мориныхоо нуруун дээр
Хазгай суун дуулж явах дуртай би

Газрын үнэрт агаар дүүрч
Хацрын хажуугаар салхи шивнэж өнгөрөхөд Хатирч мориныхоо нуруун дээр
Хаа холыг зорин хатирууж явах дуртай би
Хайрхан уулстай мэндэлж би өнгөрөхдөө
Хазаарын жолоогоо сул тавиагүй ээ би
Хатирч мориныхоо нуруун дээрээс
Харсан үзсэндээ баясаж явах дуртай би
Н.Тайванжаргал