Сүүгээр урссан мөрөн юм байна
Сүүдэр тусдаггүй гэгээн юм байна
Сөгдөж суугаад мөргөмөөр бурхан юм байна
Ээж гэдэг үгийг тээж яваа хүн чинь
Гавъяа шагналаа тоочуулах дургүй юм байна
Гараасаа хөтлөх үрсдээ амь юм байна
Гайхамшигт үйлс бүтээсэн хүн юм байна
Ээж гэдэг үгийг тээж яваа хүн чинь
Хайраар давалгаалсан далай юм байна
Халамжаар дэвэрсэн бурхан юм байна
Ханийн заяатай гэргий юм байна
Ээж гэдэг үгийг тээж яваа хүн чинь
Аливаа сайхны эхлэл хүн юм байна
Аз жаргалыг олж ирсэн хүн юм байна
Амьдрал бүтээсэн хүн юм байна
Н.Тайванжаргал
No comments:
Post a Comment