“ Аав шүтээн “

                        

Өнгө мөнгө  шүтэгсэдийг  үргэлж сайн явсан гэж дуулаагүй

Өвгөн буурал аавыгаа  шүтэгсэдийг буруудсан гэж сонсоогүй

 Өндөр албан тушаал  шүтэгсэдийг  дэвжсэн  гэж дуулаагүй

Өнө мөнхөд аавыгаа шүтэгсэдийг  уруудсан гэж сонсоогүй

Алт мөнгийг шүтэгсэдийг 

Аз жаргалыг олсон  гэж дуулаагүй

Ачит аавыгаа л шүтэгсэдийг 

Алив сайхан орхисон  гэж сонсоогүй

Эд хөрөнгийг шүтэгсэдийг үүрд  дэвжсэн гэж сонсоогүй

Энэрэлт аавыгаа  шүтэгсэдийг  уруудсан гэж дуулаагүй

Эрх мэдлийг  шүтэгсэдийг  өөдөлсөн гэж сонсоогүй

Эх нутгаа шүтэгсэдийг  буруудсан гэж дуулаагүй

Аавыгаа л шүтэгсэдийн сэтгэлээс

Алив муу бүхэн гарсан гэж дуулаагүй  

Аавыгаа л дуулагсадын зүрхнээс

Аялгууны сайхан нь холдсон гэж сонсоогүй

Харийн бурхан шүтэгсэдийг  гэгээрсэн гэж сонсоогүй

Харин аавыгаа шүтэгсэдийг уруудсан гэж дуулаагүй

Хаа холын  мэргэдийг  шүтэгсэдийг оносон гэж сонсоогүй

Хайртай аавыгаа шүтэгсэдийг алдсан гэж дуулаагүй

Алдар нэрийг нь шүтэж явахад

Амьдрал хатуу хандсан гэж дуулаагүй

Аавыгаа л шүтэгсэдийг

Аз жаргал орхисон гэж сонсоогүй

Н.Тайванжаргал